مکہ کے ہوٹل میں آگ لگنے سے 8 پاکستانی جاں بحق

 ذرائع کا کہنا ہے کہ ہوٹل میں پاکستان، بنگلہ دیش اور دیگر ممالک کے عمرہ زائرین قیام پذیر تھے۔

دفتر خارجہ نے جمعہ کو کہا کہ مکہ مکرمہ کے ایک ہوٹل میں آتشزدگی کے افسوسناک واقعے میں 8 پاکستانی جاں بحق اور 6 زخمی ہوگئے۔

 مکہ مکرمہ کے ہوٹل میں آتشزدگی کے واقعے میں ہلاکتوں کے حوالے سے میڈیا کے سوالات کے جواب میں دفتر خارجہ کے ترجمان نے کہا کہ ہمارے پاس واقعے میں 8 ہلاکتوں اور 6 پاکستانیوں کے زخمی ہونے کی اطلاعات ہیں۔  جدہ میں ہمارا مشن متاثرین اور ان کے اہل خانہ کو امداد فراہم کرنے کے لیے مقامی حکام سے رابطے میں ہے۔

 ابتدائی معلومات کے مطابق آگ ابراہیم خلیل روڈ پر واقع ہوٹل کی تیسری منزل پر لگی۔

 ذرائع کا کہنا ہے کہ ہوٹل میں پاکستان، بنگلہ دیش اور دیگر ممالک کے عمرہ زائرین قیام پذیر تھے۔